Etter tjue år i København har Runar Gudnason flytta heim til si gamle grend. Han fekk aldri til å rappe på dansk.

Midt mellom Ørsta og Volda ligg det ein stad berre ein heimegut kan elske. Der er Hovdebygda, ein liten flekk på kartet over søre Sunnmøre. Når ein kjem flygande inn med Widerøe-flyet til vesle Hovden lufthamn kan ein ta seg sjølv i å lure på kvifor folk vil bu akkurat her. Men akkurat her var det sjølvaste Ivar Aasen vaks opp tidleg på attenhundretalet. På Aasen-garden mellom vakre Volda og den stolte industristaden Ørsta, utan anna enn ei fjellside å stire inn i, sommar som vinter.