Det er islendingen og historikaren Tormod Torfæus (1636–1719) som i storverket «Historia rerum Norvegicarum» fortel um desse framandkrigarane. Det sa seg sjølv at noregssoga åt Torfæus laut prentast på latin. I hans tid var latin det språket som dei lærde nytta over mest heile Europa, og fyrst no etter kring 300 år ligg verket føre på norsk bokmål i sju band med til saman 4063 sidor. Tredve år bruka Torfæus på noregssoga si som femner um tidi frå Noah gjekk ut or arken og til kong Olav 4. døydde i 1387. Han var den siste norskætta kongen.