Som gutunge hadde eg fått tak i denne boka, «Lucifers Øie», av journalisten og forfattaren Øvre Richter Frich. Far min kom inn på kjøkkenet og spurde kva eg las. Eg synte han boka, og det var eit eller anna som skjedde med mannen. Han treiv boka og kasta ho i veggen; hadde eg ikkje anna lesestoff? No må eg leggja til at far min blei tatt til fange av tyskarane i Narvik under krigen og var blitt frakta til Misjonshotellet i Trondheim der han hadde nærkontakt med nazistane.