I Klassekampen 29. februar har Bjørn Haugstad, statssekretær i Kunnskapsdepartementet, eit innlegg om norsk lærarutdanning, nasjonale prøver og elevar sine læringsresultat. Dei nasjonale prøvene, hevdar Haugstad, viser at «mellom 60.000 og 100.000 elever» ikkje får med seg den læringa dei skal. Haugstad kan ha i tankane elevar som skårar på det lågaste nivået i dei nasjonale prøvene for femte klasse. Lærarutdanninga får skulda; det er den som har svikta desse store elevgruppene.