«En roman fra Algerie» står på tittelbladet til Kamel Daouds «Meursault-saken». Det står der ikkje i den franske originalen. For nokre tiår sidan blei det gitt ut antologiar med titlar som «Afrika forteller», og i mi tid har eg sett at filmdistributøren Arthaus gjer filmane sine meir stadbundne enn dei eigentleg er: «678» blir til «678 Kairo» og «Taxi» til «Taxi Teheran». Ikkje veit eg kva forlagets undertittel er meint å gjere, men i meg vekkjer den først mistanke om eksotisering, og så skepsis mot at omsetjinga skal prøve for hardt å formidle den algeriske konteksten.