Professor i statsvitskap, Øyvind Østerud, uttalte seg til denne avisa i romjula om EUs utvikling og kvifor oppslutnaden om EU ikkje er så stor blant vanlege folk, og kvifor mange frå arbeidarklassen i europeiske land sluttar opp om parti til høgre. Han meinte å sjå dette som ein protest frå kroppsarbeidarar som ser at dei er i ferd med å verta overflødige på arbeidsmarknaden, og at dei ikkje ser på dagens EU som nokon redningsplanke.