Audun Lysbakken og Snorre Valen kritserer Ap sin skattepolitikk 2. desember, men har lite nytt å koma med. Dei er redd for fylgjene det vil få for skatteforliket dei skal forhandla fram i Stortinget til vinteren. Det er eg og, men eg har ikkje voner til at SV vil gjera nokon skilnad. Til det er alle partia på Stortinget for like. I praktisk politikk har dei i stor grad kopiert Frp. Lite skatt på inntekt og store gebyr er den rådande retningen for skattepolitikken. Det har ført til ein veldig flat skatt. Spesielt er skatten flat for dei rikaste. For dei med dei minste inntektene er han sterkt progressiv.