Dramaet «En Hanske» av Bjørnstjerne Bjørnson kom ut i 1883. Det var ei utfordring til duell om eit av dei største stridsmåla på den tida, om det skulle gjelda same moral for menn som for kvinner. Dei som tok opp denne hansken, meinte for det meste at han slett ikkje burde vore kasta, og i den påfølgjande hanskedebatten skreik dei seg håse om kor nyttelaust det var å snakka om slike ting.