Som vinnar av Ibsenprisen, samt tv- og filmprisar som Gullruten og Amandaprisen, vekkjer det forventingar, men også fordommar når manusforfattar Per Schreiner debuterer skjønnlitterært. Schreiner har mellom anna skrive manus til spelefilmen og høyrespelet «Den brysomme mannen», og var medforfattar av tv-serien «Kampen for tilværelsen», saman med Erlend Loe og Bjørn Olaf Johannesen. Dei fjorten forteljingane i «Min fars fem bad» sender tankane mine til dette tv- og filmuniverset, og det irriterer meg litt, fordi Schreiner openbert har klart å gi dei litterær form.