Israel og Palestina er dessverre ofte i nyheitene. Eín ting har dei to namna sams, dei er om lag like gamle, noko eldre enn tre tusen år. Og begge er yngre enn det eldste kjende namnet på landet – Kanaan. Det skal vera avleidd frå eit ord for dei raude sneglane som fargestoffet purpur vart laga av. I «purpursneglelandet» låg også verdas eldste by, Jeriko, om lag 300 meter under havnivå. «Jer-» tyder truleg by, som det gjer i Jerusalem.