Primitive versjonar eller forfallsformer av monoteistisk religion (jødedom, kristendom, islam) fører blant anna med seg ei førestilling om Gud som går ut på at han er småleg, hemnfus og full av nykker. Vanleg menneskeleg dårskap er nok til å gjere han rasande. Straffa blir forferdeleg. Når dei gudelege skjelv i redsle for helvete, demonstrerer dei oppfatninga si om at ingen vond despot her i verda kan måle seg med Gud i vonde påfunn. Den utspekulerte sadismen hans er utan botn og utan grense.