Formannen i Riksmålsforbundet, Trond Vernegg, har fått hogg for at han ynskjer endring i mållova, slik at offentleg tilsette kan skriva på det målet dei meistrar best. I eit innlegg, «Det språklege kromspringet» (31. mars), kallar Gunnar Skirbekk dette eit åtak på nynorsken. Jon Grepstad meiner det same, og han har ikkje late seg overtyda av Vernegg om at Riksmålsforbundet ikkje er imot nynorsk.