I Noreg var mange tussehaugar i si tid. I Telemark, Fyresdal, der eg for 15 år sidan var på leiting etter minne om den gamle jarnvinna, støytte eg på fire tussehaugar, tre av dei i Birtedalen. Eirik Kile, ein heiderskar, tok meg med til Nistogstøylen, der han sjølv som unggut hadde vore gjetar. Han synte meg Tussehaugen, ein turr holme midt i myrlende, der gamle tre sto til nedfalls. Dit skulle ein ikkje gå, for der heldt tussane til. Men han hadde ikkje noko imot at eg gjekk dit.