For ein magisk kveld det vart: Den norske ambassadøren til Island ynskte alle velkomne til bords. Soknepresten frå Reykholt – heimstaden til Snorre – fylgde snart opp med ei skål for Noregsveldet. Tidlegare på denne februardagen i 2012 hadde eg og tingmannen Per Olaf Lundteigen møtt både den islandske finansministeren, visesentralbanksjefen i Seðlabanki Íslands og direktøren i finanstilsynet. Dagen etter: avtale med den (skulle det visa seg) komande statsministeren. Essayistiske samtalar. Kva gjekk gali? Korleis går det no? Kva kan Noreg læra av Island? Dei same temaa særmerkte kvelden heime hjå ambassadøren.