Landsmøtet til Arbeidarpartiet verkar uforståeleg fredeleg, iallfall for dei som har følgd partiet i nokre tiår. Folkets Hus på Youngstorget har vore arena for bitre personstridar og brutale politiske kampar som ofte hang saman. På 1990-talet vart Ap lamma av maktkampen mellom Thorbjørn Jagland og Jens Stoltenberg. Kjenslene fekk utløp i oppgjer om privatisering og flyktningpolitikk, om EU og miljø. Det var om å gjera for dei mektigaste å halde venstreorienterte nei-folk som Trond Giske unna dei mest sentrale verva, seinast i 2002.