Det blir sagt at utanrikspolitikken ikkje opptar folk, eller «veljarane», som det også heiter. Det er eg ikkje så sikker på. Dei fleste vel parti ut frå eit heilskapsinntrykk, ei «pakke», og ikkje berre enkeltsaker. Eit alternativt syn på maktforholda i verda har alltid vore ein viktig del av SV-pakka. I alle tilfelle er det ikkje taktikkeri og ein betre kommunikasjonsstrategi som skal til for å bygga eit sterkare SV. Eit parti som ikkje tar verda og sine eigne standpunkt alvorleg kan vel heller ikkje forlanga å bli tatt på alvor av andre?