Då Noreg vart invadert den 9. april 1940, var Asbjørn Sunde ein av få som var førebudd. Sjømannen og veteranen frå borgarkrigen i Spania, hadde i to år vore leiar for Osvald-gruppa. «Osvald» var Sundes dekknamn, og gruppa var ein del av kommunisten Ernst Wollwebers sabotasjeapparat. På sovjetisk initiativ hadde Wollweber etablert ein base i Oslo, retta mot nazistiske krigsførebuingar i skipsfarten.