I desse Valentines-tider høyrest det snart høglydt stønning frå norske kinoar. «Fifty shades of grey» går sin sigersgang over landet. Med si perfekte blanding av det uskuldige (ho), det litt skumle (han) og det pikante (sadomasochisme) fenger det i så høg grad at enkelte byggvarekjeder i England har sendt ut melding til dei tilsette om å vere særskild merksame på kundar i mørke solbriller som spør etter tau, tape og bunteband.