Tipptipptippfedrane trælar og slit på bruka sine, ser eg i bygdeboka. På sjølveigd, bygsla eller plass. Schultzane – godseigarar under Værnes – eller krona, eig ofte lutar av garden eller heile sulamitten. Jordrasa kjem og går, elveisen dreg åromtil med seg delar av skog og eng, konene døyr i barsel. Skatt og tiende må betalast, ungeflokken aukar. Boka fortel at ein av tipptipptippane var gift 3 gonger. Protokollen seier tørt at han fekk 7 born med kvar av konene! Far til 21, du store!