Korleis vekker vi interesse for naturen hos barna? «Les ei klassisk barnebok for dei», seier Liam Heneghan, professor i miljøvitskap på DePaul-universitetet i Chicago. Etter å ha gått gjennom ei rekke populære barnebøker, meiner han at sjølv om desse bøkene ikkje var skrivne med tanke på å lære barn om økologi, så er dei gullminer for å komme inn på slike spørsmål. Dei har, ifølgje professoren, ein meir subtil og kjærleiksfull måte å fortelje barn om menneske og natur på enn dei bøkene som dei siste tiåra er skrivne for å lære barn om miljø og klima.