For nokre år sia var eg med på å gi ut eit trebandsverk om kunst og visuell kultur her i Midtens Rike. I innleiinga reflekterer mine medredaktørar og eg over kva vi tek med og ikkje tek med. Vi skriv om bruer og kraftverk. Vi fortel om fyrtårn og andre uttrykk for visuell kystkultur, om jernbanestasjonar og busskarosseri, men ikkje om vegar. Sjølv om vegen avgjort er eit visuelt fenomen, sjølv om vegen endrar kulturlandskap og busettingsmønster, og sjølv om vegbyggjing er ingeniørkunst på høgt nivå. I alle fall stundomtil.