Boka «Kapital i det tjueførste hundreåret» av den franske økonomen Thomas Piketty er blitt ein global bestseljar. Det har vel samanheng med at han ved hjelp av nokre enkle identitetar analyserer viktige aspekt ved økonomisk ulikskap i eit internasjonalt (Europa, USA, Japan) og historisk perspektiv, og at inntektsforskjellane i dette området no er større enn nokon gong sidan før den andre verdskrigen. Utan å gå inn på begrepsmessige og teoretiske problem vil eg prøve å gi eit resymé av nokre sentrale punkt som gjer boka verdt å lese. Eg nøyer meg med det han skriv om perioden 1970 til 2010.