* Den store innbyggarundersøkinga står i ein interessant kontrast til den pågåande politiske debatten. For mens politikarar og media legg stor vekt på manglar og problem i samfunnet, er folk flest fornøgd med tilstanden i kongeriket. Det viser undersøkinga som Fornyingsdepartementet la fram i går, og den viser kva inntrykk både folk flest og brukarane har av 23 offentlege verksemder. Det mest påfallande trekket er kor tilfreds folk er med livet i Norge og dei fleste offentlege tenestene. Aller mest fornøgd er folk med biblioteket, barnehagen og fastlegen, og kanskje er det ikkje overraskande at folk er mest misfornøgde med Nav og plan- og bygningsetaten i kommunen.