Alt var på plass da Åslaug Haga i går hadde invitert pressa til å møta topplaget av Sp-kvinner i regjeringsapparatet. Her var offensive damer i ulike aldrar og generasjonar, alle var høveleg pent kledde utan å vera stramt formelle, pene på håret og ved godt mot. Til og med ein lys levande nesten-treåring som åt bolle og drakk Pepsi. Vi skal ikkje tvila på at det faktisk var planleggingsdag i barnehagen til vesle Simen, sonen til statssekretær Guri Størvold. Men det var no eit heldig samantreff at han kunne vera med mor på jobb til akkurat denne presseseansen.