Hannah Wozene Kvam er ei av dei fem artistane som utgjer det heilt spesielle afrikansknorske damelaget Queendom. Ho er oppvaksen i Noreg, og har nyleg vore eit år i Etiopia, det afrikanske heimlandet hennar. 3. november har Queendom premiere på «Integrert som faen» på Fabrikken i Oslo. Teater? Kabaret? Queendom stel litt frå alle sjangrar – kabaret, dans, monologar, stand up, song, soul, og lover publikum ein vinterkveld som seint skal gløymast.