Det er stor fare for at Stortinget om ei veke gjer eit vedtak som høver dårleg med Noreg sitt internasjonale rykte som føregangsland i kvinnespørsmål. FN sin kvinnekonvensjon skal innarbeidast i norsk lov, og Stortinget har sjansen til å slå fast at Noreg meiner at kvinners rettar er menneskerettar. Dersom kvinnekonvensjonen blir innarbeidd i menneskerettslova, slik det tidlegare er gjort med til dømes barnekonvensjonen, vil norsk lov vera i samsvar med det som held på å bli ei internasjonal sanning.