I «Eggs» møtte vi Far og Mo, i «En dag til i solen»: Almar og Windy, «Salmer fra kjøkkenet» gav oss «trekantdramaet» mellom Isak, Folke og Grant - og no, med «Factotum», har vi fått Hank Chinaski. Alle Bent Hamer sine filmar handlar om menn. Men ein må tenka seg om for å innsjå kor maskuline miljø ein eigentleg har sett portrettert - filmane er nemleg langt unna det ein forbind med «machismo». I alle fall slik vi kjenner den på film. Jamvel den brautande, grovt-snakkande poeten, alkoholikaren og kvinnenedleggjaren Hank Chinaski har vorte ein lakonisk, introvert type i Hamer sine regi-hender.