Som lærar i ungdomsskulen ser ein fram til at elevane kjem i 10. klasse. Ein har følgd dei gjennom snart tre år, og sett utviklinga hjå ungdommane i desse åra. Som lærar ser ein kor mykje flott ungdom vi har! Siste halvdel av 10. klasse er ein periode med mykje aktivitet og ofte ekstra motivasjon hjå elevane. Men slik vart det ikkje i år. Nasjonale prøvar har direkte øydelagt undervisninga mest heile perioden frå nyttår til påske. Den beste arbeidsperioden i heile skuleåret er omtrent bortkasta. Ein skule for læring er blitt ein skule for misnøye og dårleg motivasjon.