Det er ein omfattande tematikk den kjende psykologen og grunnleggaren av Institutt for Klinisk Sexologi og Terapi, Thore Langfeldt, tar opp i «Erotikk og fundamentalisme - fra Mesopotamia til Kvinnefronten» (Universitetsforlaget). Som tittelen ber bod om, femnar den engasjert skrivne boka både historikk og polemikk. Gjennomgangstemaet er, noko forenkla, korleis eit negativt seksualsyn påverkar heile samfunn i negativ lei - samfunn som legg vekt på å kontrollera seksualiteten tenderer til å bli valdelege, fordi ein må ty til makt for å utøva slik kontroll. Dette er dynamikken i den totalitære einsrettinga som kjem av fundamentalisme.