Det vesle vi veit om bondejenta med kunstnarnamnet Mabel Stark er at ho vart foreldrelaus som 13-åring, at ho hadde ein kort karriere som sjukepleiar før ho sjølv vart psykiatrisk pasient - inntil ho «rømte med sirkuset» så og seie. Der avanserte ho frå strippar til tigertemjar. Tigernummeret hennar var hovudattraksjon ved verdas største og mest vidgjetne sirkus på 1920-talet. 12 gongar vart ho alvorleg kvesta av dei elska kattene sine. Likevel ville ho ikkje gje opp arbeidet med dei. Ikkje før ho var 80 år, i 1968, då tok ho livet av seg. Innimellom spektakulære sirkusnummer rakk ho å bli gift med seks menn - av dei likte ho berre ein.