FILM Armbryterskan från Ensamheten (Sverige 2004)Regi: Helen Ahlsson og Lisa Munthe Med: Heidi Andersson og hennar familie1t 18minFilmen om den svenske femdobbelte verdsmeisteren i handbak vann nyleg «Guldbagge» (svensk Amanda) i kategorien Årets dokumentarfilm. Filmen har vore ein suksess i Sverige og bør bli det i Noreg. Møtet med Heidi Andersson og slekta hennar i kollektivet Ensamheten i Lappland er medisin for kynikarar med manglande tru på framtida og ein fest for alle andre. Her får ein le og pusta ut med ein jordnær familie og sveitta med ei jente som trenar som Rocky og som gjer det så spanande for oss under VM at det er umogleg å ikkje spenna biceps og halda pusten.