Det er høge prosenttal som blir brukt til å forklara kvifor sjukefråversreglane må endrast, og det kan vera grunn til å be om meir inngåande analysar av kva slag sjukefråver som eigentleg har auka kor mykje. Det er påfallande at relativt små endringar i sjukefråveret blir framstilt som «dramatiske». Har nokon til dømes undersøkt kor stor del av sjukefråveret siste året som gjeld folk som eigentleg er uføre, men som mottar sjukepengar i eitt år før dei går over på uføretrygd?