Underskrivne, Roar Madsen, Ingar Arnøy og Hans Olav Brendberg har alle vore leiarar i Norsk Målungdom (NMU). Me vil melda Klassekampen v/journalistane Tone Foss Aspevoll og Hans Petter Sjøli til Pressens Faglige Utvalg (PFU) for overtramp mot fleire av dei presse-etiske køyrereglane i «Vær varsom – plakaten» i oppslaget «Målet helliger middelet» laurdag 10. januar 2004. I oppslaget er det formulert ei rad sterke påstandar som alle har direkte eller indirekte referanse til oss tre namngjevne tidlegare NMU-leiarar. Nokre av hovudpunkta i klagemålet til PFU vil vera kritikkverdig journalistisk åtferd irekna elendig kjeldekritikk, formidling av sterke, udokumenterte og grunnlause påstandar og insinuerande og manipulativ bruk av bilete og bilettekstar.