Rektorkontoret i Urtehagen Friskole på Grønland i Oslo er ikkje stort, men travelt. Pc-en tar inn arabiske nyhendemeldingar frå BBC, rektor Rawafid Shahad trykkjer på knappen når dørklokka ringjer, og det gjer den stort sett heile tida, ho prøver å la telefonen ringja utan å ta den, svarer innimellom på mobiltelefonen, og forklarer vennleg dei som bankar på døra at ho er litt oppteken akkurat no. Alt dette på same tid som ho forklarer kvifor ho er imot både Saddam Hussein og den krigen USA er i ferd med å starta mot Irak.