– Eg gratulerer filosofisk institutt med å fylgje opp praksisen til gamle kommunistparti med samstemte vedtak når det gjeld fortolking av historiske spørsmål, seier Bernt Hagtvet, professor i statsvitskap. Klassekampen skreiv i går at eit samrøystes styre ved Filosofisk institutt, Universitetet i Bergen (UiB) har stilt seg bak eit vedtak som seier at Jan Inge Sørbø i boka Hans Skjervheim, ein intellektuell biografi gjev ei tendensiøs og feilaktig framstilling av konflikten mellom Skjervheim og instituttsekretær Hans Ebbing på 1980-talet. Vedtaket er sendt andre filosofiske institutt.