Wenche FossenEg blir av partifelle Stian Oen bedt om å rydde i eige reir og må svare at det har eg faktisk gjort, utan hjelp frå han. Det er nok snarare Oen og partiet SV (diverre) som har problem både med reirrydding og reirskiting. No slår eg for tredje gong i Klassekampen fast følgjande faktum: Eg er fungerande leiar for ei tverrpolitisk rørsle, med eitt samlande mål: Norsk medlemsskap i Den europeiske union. Rørsla har tre samlande hovudargument: Demokrati, samarbeid og tryggleik – inklusive miljøtryggleik. Europabevegelsen er ei brei rørsle med toleranse og takhøgd, der vi ikkje legg munnnkorg på folk. Derfor skal eg no svare Oen som SV-ar, som ei som seier eit radikalt ja til Europa.