Hamskifte og fylgjetru

Hamskiftet vil seie at eit menneske, eller ein gud som Odin kunne manifestere seg i dyreskapnad. Hamskifte heng saman med fylgjetrua. Da Bodvar forsvinn frå kampen, ser dei ein bjørn som dei kallar fylgja til Bodvar. Den individuelle fylgja i dyreskapand følgde eit menneske gjennom livet, og dersom ein draumde at fylgjedyret døydde, varsla det at dauden nærma seg. Ved sida av dyrefylgja hadde ein ættefylgja i kvinneskapnad. Dette var den kollektive fylgja. Slik sett hadde kvart menneske ein dobbel lagnad. Med kristninga kom engletrua til å påverke kvinnefylgjene slik at desse blei delt i lyse og mørke fylgjer. Dei lyse var fylgjeenglar, dei mørke representerte heidensk tru.