Tiltrua til at vi kan hanskast med livet på eiga hand ser ut til å vere på nedtur. Tradisjonar, erfaring, overføringskompetanse, nedarva instinkt og liknande, kan vi ikkje stole på. Kursarrangørane veit det. «Kursagenten» aleine kan by på 37525 ulike kurs. Dei har fått oss til å tru at det trengst kursing for å bli merksam på at det er sjølvaste livet som pågår. På alle flater. Som ei klype Maldon-salt kan redde retten, kan ein dæsj Buddha få ned pulsen ei lita stund.