I førre veke var det samisk språkveke. Giellavahkku, giellavahkko, gïelevåhkoe på høvesvis nordsamisk, lulesamisk og sørsamisk. Åttande året på rad vart det gjennomført ei rekkje arrangement i Noreg, Sverige og Finland for å løfta kunnskapen om samisk språk og kultur i befolkninga. Over heile Sápmi/Sábme/Saepmie med unntak av den russiske delen, med andre ord. Språkveka nådde også media på ulike måtar. Mellom anna vigde radioprogrammet Språksnakk på NRK P2 si sending til spørsmål om samisk språk med kompetente personar i panelet som det er vel verdt å høyra som podkast om ein ikkje fekk det med seg.