Verdas største litteraturpris for barn- og unge, den svenske ALMA-prisen (Astrid Lindgren Memorial Award), sleppte nominasjonslista si denne veka. Og den er ikkje kort: Heile 277 forfattarar, forteljarar, lesefremjarar, illustratørar og organisasjonar er med – 85 av dei er nykomlingar på lista i år. Prisen held seg nemleg med nomineringsinstansar rundt om i heile den store verda, og dei har i oppgåve å sende inn sine grundig førebudde forslag til kandidatar. Sidan går ein jury gjennom kandidatane og vurderer, sorterer og supplerer til eit endeleg utval.