Ein kan ikkje sjå på det som vert kalla «dårlege» Pisa-resultat ut frå éin årsaksfaktor. Slik verkar ikkje verkelegheita. Det kan sjølvsagt vere fleire grunnar til at norske elevar skårar under gjennomsnittet på Pisa. Skjermbruk, konsentrasjonsproblem, foreldre som ikkje les med ungane deira og som ikkje gjev dei motstandskraft, kan vere medverkande. Ei anna årsak kan vere at elevane rett og slett ikkje bryr seg særleg mykje om desse testane, og ikkje gidd å leggje si sjel i dei.