Når den kinesiske utanriksministeren Wang Yi i dag kjem til Oslo, får statsminister Jonas Gahr Støre og utanriksminister Espen Barth Eide endå eit høve til å ta opp menneskerettar – og eit nytt høve til å svara uklart om dette fundamentale temaet. Gjestinga frå Beijing gjev, ifølgje Utanriksdepartementet, «høve til å drøfte bilaterale spørsmål og internasjonale saker der Noreg og Kina har felles interesser». Samarbeid om klima, miljø og grøn omstilling og open dialog om løysing av globale kriser og konfliktar er viktig.