I Antonio Scuratis storverk om Mussolini, kan vi lesa om Galeazzo Ciano, utanriksministeren i diktatoren si regjering. På slutten av 1930-talet har han ei krevjande oppgåve med å handtera samarbeidet med Hitler utan at Italia vert ein juniorpartnar. Når han har fått ein slik posisjon, er det nok ikkje berre på grunn av diplomatisk kompetanse. Han er gift med Edda, eldste dottera til Mussolini. Men rett skal vera rett, Ciano har vist seg som ein ivrig fascist og nasjonalist. Han deltok i felttoget i Etiopia og har støtta innblandinga i den spanske borgarkrigen.