Etter å ha lest kommentaren til Ragnar Skre «Farlige krav» i Klassekampen 17. juni, kan ein lure på om han er blind for korleis eit imperialistisk Russland både har prøvd og prøver å få kontroll over Georgia og Ukraina. I begge landa kjempar folket for å kome seg vekk frå Putins overherredøme og for demokrati. Difor har både Ukraina og Georgia søkt seg mot EU. Den georgisk-tyske forfattaren Nino Haratischwili seier at det var felles einigheit om at Georgias framtid låg i Europa. No ser vi at alt som blei nøye bygd opp, bli øydelagd. Som den tidlegare presidenten i Georgia, Salomé Zourabichvili, nyleg sa til VG: Så lenge Georgia har ei regjering som følgjer Kreml sine interesser, treng dei ikkje stridsvogner.