Regjeringa ville stoppe Stad skipstunnel fordi han var for dyr. Når eit nøkkelferdig prosjekt blir stoppa og stempla som «sløsing», medan andre prosjekt går vidare utan same kritiske blikket, er det skeiv – ikkje hard – prioritering. Når analysane i hovudsak fangar opp trafikkgrunnlag og spart reisetid, men i liten grad verdset stabilitet i eksport, operasjonell risiko og sårbarheit i forsyningslinjer, får vi eit avgjerdsgrunnlag som undervurderer tydinga av kystinfrastruktur.