Ingelin ­Røssland

Pass dine eigne saker

Samlaget 2026, 183 sider

For om lag hundre år sidan, i den spede barndommen til Instagram, delte eg – ei livsglad kvinne i tjueåra – det eg tenkte var eit triveleg sommarbilete. Det var av mine nybada føter i grønt sommargras. Kort tid etter ramla det inn tvilsame kommentarar frå ein framand svenske eg aldri hadde snakka med før. På profilen hans fann eg eit mylder av diverse fot- og gummistøvlebilete. Sånn lærte eg at internett er fullt av folk med fetisjar. Fyren blei blokkert, og eg delte ikkje fleire fotbilete.