Takk for svar på mitt innlegg om kunstnarstipend! Eg bad om grunngjevingar for prioriteringar. Det ser ut som du tolkar dette som eit krav om «skriftlige begrunnelser til alle søkere»? Det var ikkje det eg bad om. Eg bad om å få ein idé om kva juryen prioriterer. Eit stort steg i rett retning hadde vore å til dømes offentleggjera juryens innstillingar til kven som faktisk får stipend. Kan de ikkje offentleggjera dei? Dei finst allereie.