Sandra ­Lillebø

Vera

Oktober 2026, 160 sider

Det er kanskje eit teikn på eskapisme at eg her på nyåret har sett mange episodar av doku-serien «Dog House», som handlar om folk som kjem til eit senter for omplassering av hundar. Vi blir kjende med folka som vil ha ein hund og får vite kva type hund dei ønsker seg; det kan vere triste skjebner som gjer at dei kjem til hundesenteret, men no er dei endeleg klare for å skaffe seg det som skal gjere at alt kan bli betre. Dei møter samvitsfulle tilsette som elskar hundar, som gjer alt i si makt for å finne the perfect match.