Roxana ­Sobrino Triana

Korkøya. Fortellinger om Cuba

Camino ­Forlag 2025, 181 sider

For forfattaren er heimlandet Cuba ei korkøy i ordets metaforiske forstand: øya flyt rundt utan heilt å finne sin plass i verda, men på tross av alle rørslene og bølgene søkk ho ikkje. Det er Triana sitt liv på denne korkøya som er utgangspunktet for boka, og bokas prosjekt blir etablert i epigrafen, der ho siterer den spanske forfattaren Almuneda Grandes: «Når alt kommer til alt, er vanlige menneskers privatliv en like verdifull vei som noen annen til å skrive en nasjons samfunnshistorie.». «Korkøya» følger Grandes’ innstilling: ei rekke med klare minne frå oppvekst og tidleg vaksenliv på Cuba skal fortelje noko om Cuba si nasjonalhistorie i same periode. Minna spenner seg frå åttitalet og fram til reisa til Bergen, der ho etablerer seg med sine to barn.