Det har vore litt av nokre veker for oss tidlegare musikkritikarar. For ikkje å snakke om oss tidlegare Dagbladet-tilsette. I denne avisa har me kunna lese artikkel etter artikkel om musikkritikken sitt dramatiske fall dei siste tiåra, med 95 prosent nedgang i talet på musikkmeldingar i norsk media. Veteranar innanfor feltet peiker på at lyttaren sitt behov for kritisk rettleiing ikkje er det det ein gong var: Spotifys inntog og tilgangen på uavgrensa musikk til ein fast månadspris har gjort forbrukarrettleiinga ein musikkritikar ein gong kunne tilby, meir eller mindre overflødig. Kven treng portvaktarar når grinda uansett står open?